Мытныя органы Рэспублікі Беларусь
03 красавiка 2026
Чарговы факт незаконнага перамяшчэння тавараў, на гэты раз агульным коштам 400 тыс.рублёў, выяўлены пры правядзенні спецмерапрыемстваў супрацоўнікамі аператыўнага падраздзялення Гродзенскай рэгіянальнай мытні.
Транспартны сродак Volkswagen Crafter з прычэпам быў спынены на ўчастку трасы М-6. У ім знаходзілася каля 12 тысяч адзінак адзення, абутку, касметыкі, тканін у рулонах.
Кіроўца беларускай юрыдычнай асобы не прадставіў мытнікам для праверкі суправаджальныя дакументы на камерцыйную партыю тавару, таму што яны адсутнічалі.
За незаконную транспарціроўку ў дачыненні да юрыдычнай асобы пачаты адміністрацыйны працэс паводле арт. 13.12 КаАП Рэспублікі Беларусь. Санкцыя прадугледжвае накладанне штрафу ў памеры да 50% ад кошту тавару.
Тэгі па тэме
