Мытныя органы Рэспублікі Беларусь
07 верасня 2026
Гродзенская рэгіянальная мытня распачала крымінальную справу ў дачыненні да грамадзяніна Аўстрыі, які прыбыў з Літвы з какаінам.
35-гадовы мужчына ехаў праз пункт пропуску «Каменны Лог» пасажырам рэйсавага аўтобуса «Каўнас-Мінск». Прыняў рашэнне перасякаць мяжу па зялёным калідоры, заявіўшы тым самым, што не ўвозіць падлягаючых дэклараванню, забароненых альбо абмежаваных да перамяшчэння тавараў.
Аднак у зале мытнага афармлення на мужчыну паказаў службовы сабака. Пры даглядзе яго барсеткі знойдзены пакет з цукеркамі, сярод якіх - два скруткі з палімернага матэрыялу са спрасаваным рэчывам белага колеру.
Згодна з заключэннем эксперта ўпраўлення ДКСЭ па Гродзенскай вобласці канфіскаванае рэчыва з'яўляецца какаінам.
Гродзенскай рэгіянальнай мытняй распачата крымінальная справа па ч. 2 арт. 328-1 КК Рэспублікі Беларусь. Санкцыя артыкула прадугледжвае пакаранне аж да пазбаўлення волі тэрмінам на 10 гадоў.
Тэгі па тэме
#Гродненская региональная таможня #Уголовное дело #Наркотические средства
