Мытныя органы Рэспублікі Беларусь
06 красавiка 2026
На мінулым тыдні, пры правядзенні спецмерапрыемстваў паблізу беларуска-расійскага ўчастка мяжы, беларускія мытнікі ўстанавілі чарговыя факты незаконнай транспарціроўкі груш.
Агулам з Беларусі ў Расію мелі намер вывезці блізу 40 тон садавіны коштам больш за 275 тысяч бел. рублёў.
У першым выпадку магілёўскія мытнікі спынілі рух грузавіка VOLVO, у якім знаходзілася 20 тон груш. Неабходных таварасуправаджальных дакументаў і сертыфікатаў, якія пацвярджаюць бяспеку прадукцыі, у кіроўцы не аказалася.
Аналагічнае парушэнне зафіксавалі і супрацоўнікі Віцебскай мытні.
Яшчэ 20 тон садавіны перамяшчалі ў абыход заканадаўства, прыкрыўшы іх пустымі скрынкамі, у транспартным сродку MERCEDES.
Мытні ў дачыненні да беларускіх перавозчыкаў пачалі адміністрацыйныя працэсы ў адпаведнасці з арт. 13.12 КаАП Рэспублікі Беларусь. Штраф, згодна з санкцыі артыкула, складзе да 50% ад кошту прадмета адміністрацыйнага правапарушэння.
Тэгі па тэме
