Мытныя органы Рэспублікі Беларусь
13 кастрычнiка 2026
Яшчэ адна крымінальная справа ўзбуджана Аператыўнай мытняй па факце незаконнага перамяшчэння праз мяжу буйной сумы наяўных грашовых сродкаў.
Гэтым разам спробу распачаў грамадзянін Таджыкістана, які прыбыў у Нацыянальны аэрапорт «Мінск» авіярэйсам з Ташкента. Для перасячэння мяжы мужчына абраў зялёны калідор, прызначаны для руху без тавараў, якія падлягаюць дэклараванню.
Аднак пры правядзенні мытных аперацый супрацоўнікі Мінскай рэгіянальнай мытні выявілі пры ім больш за 40 тыс. долараў ЗША і 21 тыс. узбекскіх сумаў. А гэта больш чым у 4 разы перавышае ўсталяваную норму перамяшчэння грашовых сродкаў без мытнага дэкларавання.
Крымінальная справа распачата паводле ч. 2 арт. 228 КК Рэспублікі Беларусь, санкцыя якой прадугледжвае пакаранне аж да пазбаўлення волі на тэрмін да пяці гадоў, а таксама канфіскацыю грашовых сродкаў.
У чарговы раз звяртаем увагу, што пры перамяшчэнні праз мытную мяжу звыш 10 тыс. долараў ЗША ў эквіваленце неабходна рухацца па чырвоным калідоры і запоўніць пасажырскую мытную дэкларацыю. За незаконнае перамяшчэнне звыш 30 тыс. долараў ЗША ў эквіваленце пагражае крымінальная адказнасць.
Тэгі па тэме
#Оперативная таможня #Минская региональная таможня #Аэропорт #Уголовное дело #Валюта #Незаконное перемещение
